Тыдзень беларускай мовы
20.02.2020О мова матчына, пявучая мая!
Густая, нібы мёд, іскрыстая, як сонца,
Вясёлак фарбы тут, і трэлі салаўя.
І звон крыніц, і шум лясоў бясконцы… (А.Васілевіч)
Як з гэтым не пагадзіцца. На працягу трох дзён у рамках тыдня беларускай мовы і літаратуры вучні нашай школы далучыліся да роднага слова.
У панядзелак адбылося ўрачыстае адкрыццё тыдня. У гэты дзень была арганізавана выстава “Пісьменнікі-юбіляры 2020 года”. Сярод вучняў 10-11 класаў прайшла віктарына па творчасці пісьменнікаў-юбіляраў “Іх творчасць неўміручая, іх імёны ў нашых сэрцах”. Падчас віктарыны вучні адказвалі на пытанні па беларускай літаратуры, успаміналі творы славутых пісьменнікаў. Найбольшую цікавасць выклікалі пытанні ў чорнай скрыні.
У аўторак эстафету падхапілі вучні 9-10 класаў. Дзве каманды спаборнічалі ў рознабаковых ведах роднай мовы. Усе ўдзельнікі з годнасцю прайшлі выпрабаванні моўнага спаборніцтва: дружна знаходзілі ключы да крыжаванак, сканвордаў, гулялі ў перакладчыкаў, адгадвалі аўтараў беларускіх твораў па “смайліках”, здзіўлялі нечакасцю моўных рашэнняў падчас выканання заданняў.
Вельмі яркімі ўдзельнікамі і актыўнымі прадстаўнікамі ў сераду з’явіліся вучні 5 -7-га класаў. Вясёлы перапынак пачаўся з конкурса “Разгадаў зашыфраваную прыказку”. Вучні разгадвалі метаграмы, сканворды, шарады. Спрытна прабеглі “Лінгвістычны спрынт”.
Кожны дзень тыдня будзе напоўнены змястоўнымі і цікавымі мерапрыемства. Працяг будзе…
Тэкст і фотаздымкі настаўніка беларускай мовы і літаратуры Барадзіной Н. Л.